Հայաստանի Հանրապետության սփյուռքի նախարարության և Հայաստանի շախմատի ակադեմիայի միջև 2009թ. դեկտեմբերի 24-ին կնքված հուշագրի շրջանակներում 2010թ. օգոստոսի 14-23-ը Երևան քաղաքում կանցկացվի Շախմատի համահայկական առաջին օլիմպիադան:
Օլիմպիադային կմասնակցեն մինչև 35 տարեկան հայազգի շախմատիստներ: Օլիմպիադան կանցկացվի անհատական-թիմային մրցակարգով: Յուրաքանչյուր թիմ կներկայացնեն երեք տղա և մեկ աղջիկ: Թիմերը կկազմվեն տարածաշրջանային սկզբունքով` Հյուսիսային Ամերիկա, Հարավային Ամերիկա, Ռուսաստան /2թիմ/, Եվրոպա, Մերձավոր և Միջին Արևելք, ԱՊՀ, Հայաստան, Երևան և ԼՂՀ:
Համահայկական օլիմպիադային կից տեղի կունենա նաև երկու միջազգային բաց մրցաշարեր /կանոնակարգ /:

Հայաստանի Հանրապետությունում անցկացվեց 20-րդ դարի հայտնի էտյուդիստ Հենրիկ Կասպարյանին նվիրված շախմատային կոմպոզիցիաների պատրաստման առաջնություն, որտեղ իրենց մասնակցությունն ունեցան ավելի քան 53 էտյուդիստներ 20 երկրներից. Ավստրիա, Հայաստան, Բուլղարիա, Վենգրիա, Գերմանիա, Նիդեռլանդներ, Վրաստան, Իսպանիա, Իտալիա, Լատվիա, Նոր Զելանդիա, Լեհաստան, Ռուսաստան, Ռումինիա, Սլովենիա, ԱՄՆ, Ուկրաինա, Ուելս, Ֆինլանդիա, Ֆրանսիա /մանրամասն /: