ԿԱՆՈՆԱԴՐՈՒԹՅՈՒՆՆԵՐ
ՀԱՅԱՍՏԱՆԻ 78-ՐԴ ԱՌԱՋՆՈՒԹՅՈՒՆ
78-րդ առաջնության բարձրագույն խմբի մրցաշարը կանցկացվի 2018 թ. հունվարի 11-23-ը, շրջանային մրցակարգով:
Մասնակցության իրավունք ունեն.
ա. 77-րդ առաջնության բարձրագույն խմբի մրցաշարում 1-3-րդ տեղերը գրաված մասնակիցները,
բ. 2017 թ. հունվարի 1-ի և մայիսի 1-ի միջազգային վարկանիշների միջին ցուցանիշով 2551 և ավելի վարկանիշ ունեցող շախմատիստները,
գ. 2017 թ. անցկացված առաջին խմբի մրցաշարում 1-3-րդ տեղեր գրաված շախմատիստները:
Մասնակցության իրավունք ունեցող շախմատիստները պետք է գրավոր հաստատեն իրենց մասնակցությունը մինչև 2017 թ. դեկտեմբերի 23-ը, հակառակ դեպքում կկորցնեն մրցաշարին մասնակցելու իրենց իրավունքը:
ՀԱՅԱՍՏԱՆԻ 79-ՐԴ ԱՌԱՋՆՈՒԹՅՈՒՆ
Հայաստանի 79-րդ առաջնության 1-ին խմբի համար ընտրական փուլ են Երևանի 88-րդ և Հայաստանի 2018 թ. տարածաշրջանային առաջնությունները, որոնք կանցկացվեն շվեյցարական մրցակարգով, 9 խաղափուլով: Առաջինը կանցկացվի 2018 թ. հունիսի 1-10-ը Երևանում, երկրորդը` մայիսի 29-ից հունիսի 9-ը` Աբովյանում:
Այդ մրցաշարերում մասնակցության անհատական իրավունք ունեն.
ա. բարձրագույն և առաջին խմբի մրցաշարերում մասնակցության իրավունք չունեցող միջազգային գրոսմայստերներն ու վարպետները, ՖԻԴԵ-ի և ազգային վարպետները, կին գրոսմայստերներն ու միջազգային վարպետները,
բ. 2301 և բարձր ՖԻԴԵ-ի կամ ազգային վարկանիշ ունեցող շախմատիստները,
գ. Հայաստանի մինչև 18 տարեկան պատանիների առաջնությունում 2-5-րդ տեղեր գրաված շախմատիստները,
դ. Հայաստանի մինչև 16 տարեկան պատանիների առաջնությունում 1-5-րդ տեղեր գրաված շախմատիստները,
ե. Հայաստանի մինչև 14 տարեկան պատանիների առաջնությունում 1-3-րդ տեղեր գրաված շախմատիստները,
զ. Հայաստանի մինչև 12 տարեկան պատանիների առաջնությունում 1-ին տեղ գրաված շախմատիստը,
է. Հայաստանի մինչև 18 և 16 տարեկան աղջիկների առաջնությունում 1-ին տեղեր գրաված շախմատիստուհիները,
ը. Երևանի առաջնության եզրափակիչ մրցաշարին մասնակցությունը` ըստ Երևանի շախմատի ֆեդերացիայի կանոնադրության:
Հայաստանի տարածաշրջանային առաջնությունում մասնակցության անհատական իրավունք ունեն. 6-ական շախմատիստ Շիրակի ու Լոռու, 4-ական` Կոտայքի ու Սյունիքի, 3-ը` Արմավիրի, 2-ական` Արարատի, Արագածոտնի, Գեղարքունիքի, Վայոց Ձորի, Տավուշի մարզերից և ԼՂՀ-ից: Կազմակերպիչ մարզային ֆեդերացիան սեփական հայեցողությամբ կարող է արտոնել լրացուցիչ երկու շախմատիստների մասնակցությունը:
79-րդ առաջնության առաջին խմբի մրցաշարը կանցկացվի 2018 թ. օգոստոսի 8-23-ը, շրջանային մրցակարգով, 14 մասնակիցներով:
Մրցաշարը կազմակերպել ցանկացող մարզային ֆեդերացիաները մինչև 2018 թ. մարտի 1-ը պետք է Հայաստանի շախմատային ֆեդերացիա ներկայացնեն իրենց համապատասխան դիմումներն ու ֆինանսական առաջարկները:
Մասնակցության իրավունք ունեն.
ա. 2018 թ. հունվարի 1-ի և մայիսի 1-ի միջազգային վարկանիշների միջին ցուցանիշով 2550 և ցածր վարկանիշ ունեցող և իրենց մասնակցությունը հաստատած 6 լավագույն շախմատիստները,
բ. 3 շախմատիստ Երևանի 88-րդ առաջնության եզրափակիչ մրցաշարից,
գ. 3 շախմատիստ Հայաստանի տարածաշրջանային 2018 թ. առաջնությունից,
դ. 1 շախմատիստ 2017 թվականի Տիգրան Պետրոսյանի անվան շախմատի տան առաջնության եզրափակիչ մրցաշարից,
ե. Հայաստանի մինչև 18 տարեկան պատանիների 2018 թ. չեմպիոնը:
Թափուր տեղերը կլրացվեն Երևանի 88-րդ և Հայաստանի 2018 թ. տարածաշրջանային առաջնություններից: Առավելություն կստանա 4-րդ տեղը գրաված այն շախմատիստը, ում 2018 թ. հունվարի 1-ի և մայիսի 1-ի միջազգային վարկանիշների միջին ցուցանիշը կլինի ավելի բարձր: Հաջորդը կլինի մյուս 4-րդ տեղ գրավածը և այդպես շարունակ, մինչև բոլոր թափուր տեղերը լրացվեն:
Մասնակցության ցանկություն ունեցող շախմատիստները պետք է գրավոր հաստատեն իրենց մասնակցությունը մինչև 2018 թ. հուլիսի 10-ը: Հակառակ դեպքում նրանք կկորցնեն մրցաշարին մասնակցելու իրենց իրավունքը:
79-րդ առաջնության բարձրագույն խմբի մրցաշարը կանցկացվի 2019 թ. հունվարի 11-23-ը, Երևանում: Մասնակցության իրավունք կունենան.
ա. 78-րդ առաջնության բարձրագույն խմբի մրցաշարում 1-3-րդ տեղեր գրաված շախմատիստները,
բ. 2018 թ. հունվարի 1-ի և մայիսի 1-ի միջազգային վարկանիշների միջին ցուցանիշով 2551 և բարձր վարկանիշ ունեցող շախմատիստները,
գ. 79-րդ առաջնության առաջին խմբի մրցաշարում 1-3-րդ տեղեր գրաված շախմատիստները:
Մասնակցության իրավունք ունեցող շախմատիստները պետք է գրավոր հաստատեն իրենց մասնակցությունը մինչև 2018 թ. դեկտեմբերի 10-ը, հակառակ դեպքում կկորցնեն մրցաշարին մասնակցելու իրենց իրավունքը:
ՀԱՅԱՍՏԱՆԻ ԿԱՆԱՆՑ 73-ՐԴ ԱՌԱՋՆՈՒԹՅՈՒՆ
Հայաստանի կանանց 73-րդ առաջնության բարձրագույն խմբի մրցաշարը կանցկացվի Երևանում, 2018 թ. հունվարի 11-21-ը, 10 մասնակիցներով, շրջանային մրցակարգով:
Մասնակցության իրավունք ունեն.
ա. Հայաստանի կանանց 72-րդ առաջնության բարձրագույն խմբի մրցաշարում 1-3-րդ տեղեր գրաված շախմատիստուհիները,
բ. Կանանց միջազգային գրոսմայստերներն ու միջազգային վարպետները, ում 2017 թ. հունվարի 1-ի և մայիսի 1-ի միջազգային վարկանիշների միջին ցուցանիշը կլինի 2150 կետ կամ ավելի բարձր,
գ. 2017 թ. անցկացված առաջին խմբի մրցաշարում 1-3-րդ տեղեր գրաված շախմատիստուհիները:
Բարձրագույն խմբի մրցաշարի մասնակիցների կազմը անհրաժեշտության դեպքում լրացվում է ըստ առաջին խմբի մրցաշարի արդյունքների:
Մասնակցության իրավունք ունեցող շախմատիստուհիները պետք է գրավոր հաստատեն իրենց մասնակցությունը մինչև 2017 թ. դեկտեմբերի 23-ը, հակառակ դեպքում կկորցնեն մրցաշարին մասնակցելու իրենց իրավունքը:
ՀԱՅԱՍՏԱՆԻ ԿԱՆԱՆՑ 74-ՐԴ ԱՌԱՋՆՈՒԹՅՈՒՆ
Հայաստանի կանանց 74-րդ առաջնության կիսաեզրափակիչ մրցաշարը (Երևանի բաց առաջնության կիսաեզրափակիչ) կանցկացվի Երևանում, 2018 թ. մայիսի 10-20-ը, շվեյցարական մրցակարգով, 9 խաղափուլով: Մասնակցության իրավունք ունեն մինչև 2001 ազգային վարկանիշ ունեցող, ինչպես նաև առաջին և երկրորդ կարգային շախմատիստուհիները:
74-րդ առաջնության առաջին խմբի մրցաշարը (Երևանի բաց առաջնություն) կանցկացվի 2018 թ.-ի հուլիսի 23-ից օգոստոսի 2-ը, շվեյցարական մրցակարգով, 9 խաղափուլով:
Մասնակցության իրավունք ունեն
ա. 2001 և բարձր ազգային վարկանիշ ունեցող շախմատիստուհիները,
բ. կիսաեզրափակիչ մրցաշարում 1-10-րդ տեղերը գրաված շախմատիստուհիները,
գ. Հայաստանի մինչև 14 և 12 տարեկան աղջիկների առաջնությունում 1-3-րդ տեղ գրաված շախմատիստուհիները,
դ. Հայաստանի մինչև 10 տարեկան աղջիկների առաջնությունում 1-ին տեղ գրաված շախմատիստուհին,
Հանրապետության մարզերը ներկայացնող 2025 և բարձր ազգային վարկանիշ ունեցող շախմատիստուհիները մրցումների ընթացքում կապահովվեն հյուրանոցով և օրապահիկով:
74-րդ առաջնության բարձրագույն խմբի մրցաշարը կանցկացվի Երևանում,2019 թ. հունվարի
11-21-ը:
Մասնակցության իրավունք կունենան.
ա. Հայաստանի կանանց 73-րդ առաջնության բարձրագույն խմբի մրցաշարում 1-3-րդ տեղեր գրաված շախմատիստուհիները,
բ. Կանանց միջազգային գրոսմայստերներն ու միջազգային վարպետները, ում 2018 թ. հունվարի 1-ի և մայիսի 1-ի միջազգային վարկանիշների միջին ցուցանիշը կլինի 2150 կետ կամ ավելի բարձր,
գ. 2018 թ. անցկացված առաջին խմբի մրցաշարում 1-3-րդ տեղեր գրաված շախմատիստուհիները:
Մասնակցության իրավունք ունեցող շախմատիստուհիները պետք է գրավոր հաստատեն իրենց մասնակցությունը մինչև 2018 թ. դեկտեմբերի 23-ը, հակառակ դեպքում կկորցնեն մրցաշարին մասնակցելու իրենց իրավունքը:
ՀԱՅԱՍՏԱՆԻ ՊԱՏԱՆԻՆԵՐԻ ԵՎ ԱՂՋԻԿՆԵՐԻ ԱՌԱՋՆՈՒԹՅՈՒՆ
Հայաստանի պատանիների և աղջիկների առաջնության եզրափակիչ մրցաշարերը կանցկացվեն Երևանում, 2018 թ. ապրիլի 13-23, ըստ հետևյալ տարիքային խմբերի.
ա. մինչև 10 տարեկան շախմատիստներ,
բ. մինչև 12 տարեկան շախմատիստներ,
գ. մինչև 14 տարեկան շախմատիստներ,
դ. մինչև 16 տարեկան շախմատիստներ,
ե. մինչև 18 տարեկան շախմատիստներ:
Բոլոր մրցաշարերը անցկացվում են շրջանային մրցակարգով, ընդ որում «ա» և «բ» մրցաշարերը 12, իսկ «գ», «դ», «ե» մրցաշարերը` 10 մասնակցով: Այս մրցաշարերի համար ընտրական փուլ են հանդիսանում Երևանը և հանրապետության մարզերը ներկայացնող շախմատիստների ընդհանուր կիսաեզրափակիչ մրցաշարերը: Ընտրական մրցաշարերը անցկացվում են առանձին տարիքային խմբերով, շվեյցարական մրցակարգով, 9 խաղափուլով:
Պատանիների և աղջիկների «ա»,«բ»,«գ»,«դ»,«ե» մրցաշարերում մասնակցության անհատական իրավունք ունեն Հայաստանի 2017 թ. առաջնությունների հաղթողները, եթե նրանք մասնակցում են իրենց տարիքին համապատասխան մրցաշարում:
Վերը նշված մրցաշարերում ըստ տարիքային վարկանիշային ցուցակների մասնակցության անհատական իրավունք կստանան. «բ» մրցաշարում` 1-ական տղա և աղջիկ շախմատիստներ, «գ» մրցաշարում `2-ական, «դ» մրցաշարում` 3-ական, տղաների «ե» մրցաշարում` 5 շախմատիստներ: Աղջիկների «ե» մրցաշարում մասնակցության իրավունքը տրվում է 1980 և բարձր վարկանիշով շախմատիստուհիներին:
Այստեղ և հետագայում հիմք է ընդունվում 2018 թ. հունվարի 1-ի դրությամբ հրապարակված վարկանիշային ցուցակը, ընդ որում, եթե հաշվարկվել է շախմատիստի խաղացած առնվազն 40 պարտիա:
Եթե Հայաստանի չեմպիոնները նշված վարկանիշային սանդղակներում են, մասնակցության իրավունք է տրվում համապատասխան վարկանիշային ցուցակի հաջորդ շախմատիստին:
Բոլոր մրցաշարերում թափուր տեղերը լրացվում են Հայաստանի պատանիների և աղջիկների առաջնության կիսաեզրափակիչ մրցաշարերից:
Հայաստանի պատանիների և աղջիկների առաջնության եզրափակիչ բոլոր մրցաշարերում հանդես գալու իրավունք ստացած ոչ երևանաբնակ մասնակիցները մրցումների ընթացքում կապահովվեն հյուրանոցով և օրապահիկով:
Հայաստանի պատանիների և աղջիկների առաջնություններում թույլատրվում է շախմատիստի մասնակցությունը ավելի բարձր տարիքային խմբերի մրցաշարերին: Այդ մասին նա, ինչպես նաև մասնակցության անհատական իրավունք ունեցող շախմատիստները պետք է տեղյակ պահեն մինչև 2018 թ. փետրվարի 25-ը:
Ընտրական բոլոր մրցաշարերում արգելվում է այն շախմատիստների մասնակցությունը, ովքեր որևէ տարիքային խմբում Հայաստանի առաջնության եզրափակիչ մրցաշարում մասնակցության անհատական իրավունք ունեն:
Հայաստանի պատանիների և աղջիկների առաջնության եզրափակիչ մրցաշարերում 1-ին տեղ գրաված շախմատիստները կգործուղվեն մասնակցելու աշխարհի պատանեկան առաջնությանը, իսկ 2-րդ տեղ գրաված շախմատիստները` Եվրոպայի պատանեկան առաջնությանը:
Ֆեդերացիայի որոշման համաձայն, ևս 2-ական շնորհալի պատանի շախմատիստներ իրավունք կստանան պետական միջոցների հաշվին մասնակցելու աշխարհի և Եվրոպայի պատանիների առաջնություններին:
Սեփական միջոցների հաշվին այդ առաջնություններում մասնակցության իրավունք ունեն նաև.
ա. 3-5-րդ տեղեր գրաված շախմատիստները,
բ. 6-10-րդ տեղեր գրաված այն շախմատիստները, ովքեր իրենց տարիքային խմբում ամենաբարձր ազգային վարկանիշ ունեցող 5 շախմատիստների ցուցակի մեջ են, իսկ մինչև 10 տարեկան այն տղա և աղջիկ շախմատիստները, ովքեր իրենց տարիքի շախմատիստների ցուցակում 1-2-րդ տեղերում են,
գ.Հայաստանի նախորդ տարվա չեմպիոնները,
դ.Աշխարհի և Եվրոպայի 8-18 տարեկան պատանիների և աղջիկների առաջնություններում 1-10-րդ տեղեր գրաված շախմատիստները,
ե. 6-րդ տեղ գրաված այն շախմատիստները, որոնք հաջորդ տարի հանդես են գալու նույն տարիքային խմբի մրցաշարերում և եթե 1-5 տեղեր գրաված մասնակիցների թվում իրենց տարիքի այլ շախմատիստ չկա,
զ. Ստեփան Ավագյանի հիշատակին նվիրված «Ջերմուկ 2018» պատանեկան XII միջազգային բաց մրցաշարի մինչև 8, 10, 12 և 14 տարիքային խմբերում 1-ին հորիզանական գրաված շախմատիստները:
Սեփական միջոցների հաշվին մասնակցության իրավունք ձեռք բերած շախմատիստներին պարտադիր կարգով պետք է ուղեկցի անհատական մարզիչը: Հայաստանի մինչև 10 տարեկան պատանիների կամ աղջիկների առաջնություններում հանդես եկած 8 և ավելի փոքր տարիքի շախմատիստներից լավագույն երկուսը նույնպես կթույլատրվեն մասնակցելու աշխարհի և Եվրոպայի մինչև 8 տարեկան տղաների և աղջիկների առաջնությանը, սակայն մարզիկների և մարզիչների գործուղման հետ կապված բոլոր ծախսերը սեփական միջոցների հաշվին հոգալու դեպքում:
Աշխարհի մինչև 20 տարեկան պատանիների և աղջիկների առաջնություններին հանրապետությունը ներկայացնող մարզիկները կընտրվեն Հայաստանի տղամարդկանց և կանանց առաջնությունների արդյունքներով:
Հայաստանի պատանիների և աղջիկների առաջնության մասնակիցների հայտերը Երևանի քաղաքային ֆեդերացիան և մարզային համապատասխան կազմակերպությունները պետք է ներկայացնեն մինչև 2018 թ. ապրիլի 4-ը / հայտերի ընդունման վերջնաժամկետն է/:
Հայաստանի պատանիների և աղջիկների առաջնության եզրափակիչ մրցաշարերը կանցկացվեն Հայաստանի շախմատի ակադեմիայում /հասցե` Շևչենկոյի փող. 34, հեռ.: 448476/:
ՀԱՅԱՍՏԱՆԻ ՊԱՏԱՆԻՆԵՐԻ ԵՎ ԱՂՋԻԿՆԵՐԻ ԱՌԱՋՆՈՒԹՅԱՆ
ԿԻՍԱԵԶՐԱՓԱԿԻՉ ՄՐՑԱՇԱՐԵՐ
Կիսաեզրափակիչ մրցաշարերը կանցկացվեն 2018 թ. մարտի 23-ից ապրիլի 1-ը, մարզերը և Երևանը ներկայացնող շախմատիստների մասնակցությամբ, շվեյցարական մրցակարգով, 9 խաղափուլով: Այս մրցաշարերի համար ընտրական փուլ են հանդիսանում Երևանի և հանրապետության մարզերի պատանիների առաջնությունների մրցաշարերը:
Կիսաեզրափակիչ մրցաշարերում մասնակցության անհատական իրավունք ունեն Հայաստանի 2017 թ. առաջնության եզրափակիչ մրցաշարերում 2-3-րդ տեղեր գրաված պատանիներն ու աղջիկները:
Այստեղ և հետագայում հիմք է ընդունվում 2018 թ. հունվարի 1-ի դրությամբ հրապարակված վարկանիշային ցուցակը, ընդ որում, եթե հաշվարկվել է շախմատիստի խաղացած առնվազն 40 պարտիա:
Մինչև 10 տարեկան տղաների առաջնության կիսաեզրափակիչ մրցաշարում մասնակցության իրավունք ունեն.
- 2001 և բարձր ազգային վարկանիշով շախմատիստները,
- 28 շախմատիստ Երևանից, 8-ական՝ Շիրակի և Լոռու մարզերից, 7-ը՝ Արարատի մարզից, 6-ը՝ Կոտայքի մարզից, 5-ական՝ ԼՂՀ-ից և Արմավիրի մարզից, 4-ական Արագածոտնի և Սյունիքի մարզերից, 3-ական Վայոց Ձորի և Գեղարքունիքի մարզերից, 2-ը՝ Տավուշի մարզից:
Երևանը ներկայացնող շախմատիստները պետք է ունենան առնվազն 2-րդ , իսկ մարզերի ներկայացուցիչները` առնվազն 3-րդ կարգ:
Մինչև 12 տարեկան տղաների առաջնության կիսաեզրափակիչ մրցաշարում մասնակցության իրավունք ունեն.
-2026 և բարձր ազգային վարկանիշով շախմատիստները.
-20 շախմատիստ Երևանից, 8-ական՝ Շիրակի և Լոռու մարզերից, 7-ը՝ Արարատի մարզից, 6-ը՝ Կոտայքի մարզից, 5-ական՝ ԼՂՀ-ից և Արմավիրի մարզից, 4-ական Արագածոտնի և Սյունիքի մարզերից, 3-ական Վայոց Ձորի և Գեղարքունիքի մարզերից, 2-ը՝ Տավուշի մարզից:
Երևանը ներկայացնող շախմատիստները պետք է ունենան առնվազն 1-ին, իսկ մարզերի ներկայացուցիչները` առնվազն 2-րդ կարգ:
Մինչև 14 տարեկան տղաների առաջնության կիսաեզրափակիչ մրցաշարում մասնակցության իրավունք ունեն:
-2076 և բարձր ազգային վարկանիշով շախմատիստները.
-18 շախմատիստ Երևանից, 4-ական՝ ԼՂՀ-ից, Արարատի, Շիրակի, Լոռու, Կոտայքի և Արմավիրի մարզերից, 3-ական՝ Սյունիքի և Արագածոտնի մարզերից, 2-ական՝ Գեղարքունիքի, Վայոց Ձորի և Տավուշի մարզերից: Մասնակցության իրավունք ունեն առնվազն 1-ին կարգային շախմատիստները (2-րդ կարգային շախմատիստներն իրավունք ունեն, եթե մարզային առաջնությունում գրավել են 1-ին տեղ):
Մինչև 16 տարեկան տղաների առաջնության կիսաեզրափակիչ մրցաշարում մասնակցության իրավունք ունեն.
-2151 և բարձր ազգային վարկանիշով շախմատիստները.
- 14 շախմատիստ Երևանից, 4-ական՝ ԼՂՀ-ից, Արարատի, Շիրակի, Լոռու, Կոտայքի և Արմավիրի մարզերից, 3-ական՝ Սյունիքի և Արագածոտնի մարզերից, 2-ական՝ Գեղարքունիքի, Վայոց Ձորի և Տավուշի մարզերից: Մասնակցության իրավունք ունեն առնվազն 1-ին կարգային շախմատիստները (2-րդ կարգային շախմատիստներն իրավունք ունեն, եթե մարզային առաջնությունում գրավել են 1-ին տեղ):
Մինչև 18 տարեկան տղաների առաջնության կիսաեզրափակիչ մրցաշարում մասնակցության իրավունք ունեն 2050 և բարձր ազգային վարկանիշով շախմատիստները:
Մինչև 10 տարեկան աղջիկների առաջնության կիսաեզրափակիչ մրցաշարում Երևանից մասնակցության իրավունք ունեն 30 շախմատիստուհի, իսկ մարզերից մասնակցության իրավունք ունեն առնվազն 4-րդ կարգ ունեցող շախմատիստուհիները
Մինչև 12 տարեկան աղջիկների առաջնության կիսաեզրափակիչ մրցաշարում Երևանից մասնակցության իրավունք ունեն 25 շախմատիստուհի, իսկ մարզերից մասնակցության իրավունք ունեն առնվազն 3-րդ կարգ ունեցող շախմատիստուհիները:
Մինչև 14 տարեկան աղջիկների առաջնության կիսաեզրափակիչ մրցաշարում մասնակցության իրավունք ունեն առնվազն 2-րդ կարգային շախմատիստուհիները:
Մինչև 16 տարեկան աղջիկների առաջնության կիսաեզրափակիչ մրցաշարում մասնակցության իրավունք ունեն առնվազն 1-ին կարգային շախմատիստուհիները:
Հայաստանի պատանիների և աղջիկների առաջնության կիսաեզրափակիչ մրցաշարերի հայտերը Երևանի քաղաքային ֆեդերացիան և մարզային համապատասխան կազմակերպությունները պետք է ներկայացնեն Հայաստանի շախմատի ակադեմիա մինչև 2018 թ. մարտի 11-ը / հայտերի ընդունման վերջնաժամկետն է/:
Հայաստանի պատանիների և աղջիկների առաջնության կիսաեզրափակիչ և եզրափակիչ մրցաշարերը կանցկացվեն Հայաստանի շախմատի ակադեմիայում /հասցե` Շևչենկոյի փող.,34, հեռ.: 448476/:
ՀԱՅԱՍՏԱՆԻ ՏՂԱՄԱՐԴԿԱՆՑ ԵՎ ԿԱՆԱՆՑ
ԱԿՈՒՄԲԱՅԻՆ ԱՌԱՋՆՈՒԹՅՈՒՆ
Մրցաշարերը կանցկացվեն 2018 թ. հունիսի 3-9-ը: Յուրաքանչյուր ակումբ /կազմակերպություն/ կարող է ներկայացնել միայն մեկական թիմ: Տղամարդկանց թիմերի կազմը` 6 հիմնական, 2 պահեստային խաղացողներ և 1 ավագ, իսկ կանանցը` 4 հիմնական, 1 պահեստային խաղացող և 1 ` ավագ: Հայտերը պետք է ներկայացնել մինչև 2018 թ. մայիսի 10-ը :
ԱՐԱԳ ՇԱԽՄԱՏԻ ՀԱՅԱՍՏԱՆԻ ԱՌԱՋՆՈՒԹՅՈՒՆ
ԿԻՍԱԵԶՐԱՓԱԿԻՉ ՄՐՑԱՇԱՐ
Հայաստանի արագ շախմատի կիսաեզրափակիչ մրցաշարը կանցկացվի 2018 թվականի դեկտեմբերի 23-ին, Երևանում, շվեյցարական մրցակարգով, 10 րոպե + 5-ական վայրկյան ժամանակակարգով:
Մասնակցության իրավունք ունեն մինչև 231 վարկանիշ ունեցող շախմատիստները:
Մրցաշարում 1-15-րդ հորիզոնականները զբաղեցրած շախմատիստներն իրավունք կստանան մասնակցելու 2019 թ.-ի Հայաստանի արագ շախմատի առաջնությանը:
ԵԶՐԱՓԱԿԻՉ ՄՐՑԱՇԱՐ
Եզրափակիչ մրցաշարն անցկացվում է Երևանում, 2019 թ. հունվարի 22-ին, 8 կամ 9-ը խաղափուլով, շվեյցարական մրցակարգով, 10 րոպե + 5-ական վայրկյան ժամանակակարգով:
Մասնակցության իրավունք ունեն.
ա. Տղամարդկանց և կանանց գրոսմայստերները, միջազգային, ՖԻԴԵ-ի և ազգային վարպետները,
բ. Արագ շախմատի 231 և բարձր վարկանիշ ունեցող շախմատիստները,
գ. Հայաստանի արագ շախմատի կիսաեզրափակիչ մրցաշարից 15 շախմատիստ,
Փոփոխված է 2017 թ. դեկտեմբերին
Ծանոթություն
Հայաստանի առաջնությունների ոչ երևանաբնակ մրցավարները և մասնակիցները /պետք է ներկայացնեն անձնագրի պատճեն, անչափահասները` ծննդյան վկայականի պատճե և ծնողի անձնագրի պատճե/ մրցումների ընթացքում կապահովվեն հյուրանոցով և օրապահիկով, եթե բնակվում են անցկացման վայրից 30 կմ և ավել հեռավորությամբ:
2018 թ. Հայաստանի տղամարդկանց հավաքականի անդամներին որոշել.
3 շախմատիստ 2017 թ. հունիսի 1-ի և դեկտեմբերի 1-ի միջազգային վարկանիշների միջին ցուցանիշներով:
1 շախմատիստ՝ 2018 թ. Հայաստանի տղամարդկանց բարձրագույն խմբի մրցաշարի լավագույն արդյունքով:
1 շախմատիստ՝ ֆեդերացիայի որոշմամբ:
2018 թ. Հայաստանի կանանց հավաքականի անդամներին որոշել.
2 շախմատիստ 2017 թ. հունիսի 1-ի և դեկտեմբերի 1-ի միջազգային վարկանիշների միջին ցուցանիշներով:
1 շախմատիստ՝ 2018 թ. Հայաստանի կանանց բարձրագույն խմբի մրցաշարի լավագույն արդյունքով:
2 շախմատիստ՝ ֆեդերացիայի որոշմամբ: