Մրցաշարեր Subheading

iՀայաստանի պատանեկան առաջնություն

Հայաստանի պատանեկան առաջնություն

Պաշտոնական կայք: chessfed.am

Առցանց խաղեր:


Առաջնության կազմակերպիչը. Հայաստանի պատանիների և աղջիկների առաջնության եզրափակիչ մրցաշարի կազմակերպին է Հայաստանի շախմատի ֆեդերացիան:

Առաջնության անցկացման նպատակը. Հայաստանի պատանիների և աղջիկների առաջնության եզրափակիչ մրցաշարի նպատակն է 10-18 տարիքային խմբերի 2018թ. չեմպիոններին և մրցանակակիրներին որոշելը: Մրցաշարը հանդիսանում է ընտրական փուլ Աշխարհի և Եվրոպայի առաջնությունների մասնակիցներին որոշելու համար:

Առաջնության անցկացման վայրը. Հայաստանի պատանիների և աղջիկների առաջնության եզրափակիչ մրցաշարը կանցկացվի քաղաք Երևանում, Հայաստանի շախմատի ակադեմիայում (հասցե՝ Շևչենկո 34, հեռ.: 010-448479):

Առաջնությունն անցկացվում է ՖԻԴԵ-ի շախմատի կանոնների համաձայն, շրջանային մրցակարգով: 10 և 12 տարիքային խմբերի մրցաշարերն անցկացվում են 12 մասնակիցներով, իսկ մնացած տարիքային խմբերը՝ 10 մասնակիցներով:
Ժամակարգը՝ 90-ական րոպե առաջին 40 քայլի համար, այնուհետև 30 րոպե մինչև պարտիայի ավարտը` յուրաքանչյուր քայլի համար 30 վայրկյան հավելումով՝ սկսած առաջին քայլից:

Ավելին


iԵվրոպայի կանանց անհատական առաջնություն

Եվրոպայի կանանց անհատական առաջնություն

Պաշտոնական կայք: http://www.ewcc2018.eu/

Առցանց խաղեր: https://chess24.com/en/watch/live-tournaments/european-womens-championship-2018/#live


2018 թվականի Եվրոպայի կանանց անհատական առաջնությունն անցկացվում է Սլովակիայի Վիսոկե Տատրի քաղաքում 2018 թ. ապրիլի 7- 20-ը: Մրցաշարին մասնակցում են 30 երկրների 144 շախմատիստուհի, այդ թվում՝ 13 գրոսմայստեր, 29 միջազգային վարպետ, 35 կանանց գրոսմայստեր և 22 կանանց միջազգային վարպետ:
Մրցաշարի առաջին դասակարգված շախմատիստուհին է կանանց աշխարհի նախկին չեմպիոն Մարիա Մուզիչուկը: Մրցաշարում Հայաստանը ներկայացնում են  Էլինա Դանիելյանը, Լիլիթ Մկրտչյանը, Մարիա Կուրսովան, Աննա Սարգսյանը, Մարիա Գևորգյանը և Սիրանուշ Ղուկասյանը:
Ժամակարգ. 90 րոպե առաջին 40 քայլերի համար՝ ավելացրած 30 րոպե մինչև խաղի ավարտը (30 վայրկյան հավելումով՝ սկսած առաջին քայլից):
Տուրից ուշացման թույլատրելի ժամանակը 15 րոպե է:
2018 թվականի շախմատի Եվրոպայի կանանց անհատական առաջնությունը ընտրական փուլ է աշխարհի առաջնության հաջորդ խաղարկության համար: Ըստ ՖԻԴԵ-ի կանոնադրության և Շախմատի Եվրոպական Միության խորհրդի որոշման՝ ընտրվելու են 14 մասնակից:

Ավելին


iՍտեփան Ավագյանի հուշամրցաշար. «Ջերմուկ-2018»

Ստեփան Ավագյանի հուշամրցաշար. «Ջերմուկ-2018»

Պաշտոնական կայք: http://jermuk.chessacademy.am/?lang=en

Առցանց խաղեր:


«Ջերմուկ-2018» շախմատի պատանեկան 13-րդ միջազգային բաց մրցաշարը կանցկացվի 2018թ. հուլիսի 1-11-ը ք. Ջերմուկում: Մրցաշարի կազմակերպիչն է Հայաստանի շախմատի ակադեմիան: Մրցաշարին կարող են մասնակցել մինչև 18 տարեկան պատանիներ և աղջիկներ: Մրցաշարն անցկացվելու է տարբեր տարիքային խմբերով, շվեյցարական մրցակարգով, 9 փուլով: Մրցաշարի ընդհանուր մրցանակային ֆոնդը 2 700 000 ՀՀ դրամ է:
Կազմակերպչի որոշմամբ մրցաշարի լավագույն մարզիչը կստանա հատուկ մրցանակ:Դրամական պարգևները չեն կիսվելու: Յուրաքանչյուր մրցանակակիր իրավունք ունի ստանալու միայն մեկ մրցանակ:
Միջազգային հաշվարկի ուղարկվելու է միայն մինչև 18տ. մրցաշարը:

 

Ավելին


iԾաղկաձոր Օփեն

Ծաղկաձոր Օփեն

Պաշտոնական կայք: http://tsaghkadzoropen.chessacademy.am/

Առցանց խաղեր:


«Ծաղկաձոր օփեն» շախմատի միաջազգային մրցաշարը տեղի կունենա ս.թ. հոկտեմբերի 22-ից նոյեմբերի 1-ը: 
Մրցաշարը կանցկացվի Ա և Բ խմբերով, շվեյցարական մրցակարգով, 9 խաղափուլով՝ ՖԻԴԵ-ի շախմատի կանոնների համաձայն։

Ա մրցաշարում իրավունք ունեն մասնակցելու 2000-ից բարձր միջազգային գործակից ունեցող շախմատիստները,

Բ մրցաշարում իրավունք ունեն մասնակցելու 2000-ից ցածր միջազգային գործակից ունեցող և գործակից չունեցող շախմատիստները:

Մրցաշարի հովանավորներն են «Նորֆոլկ քոնսալթինգ» ՍՊԸ-ն և «Ռոյալ» ժամանցի կենտրոնը:

Մրցաշարի ընդհանուր մրցանակային հիմնադրամը կազմում է 15 500 ԱՄՆ դոլար:


 

Ավելին


iՄրցաշարերի օրացուցային պլան

Մրցաշարերի օրացուցային պլան

Պաշտոնական կայք: chessfed.am

Առցանց խաղեր:


Այս բաժնում դուք կարող եք ծանոթանալ 2018 թվականի ընթացքում Հայաստանում անցկացվող մրցաշարերի ժամկետներին և անցկացման վայրերին: Ցանկում ներառված են Հայաստանի շախմատի ֆեդերացիայի, Երևանի շախմատի ֆեդերացիայի օրացուցային պլաններով անցկացվող բոլոր մրցաշարերի,  ինչպես նաև Տիգրան Պետրոսյանի անվան շախմատի տանը, Հայաստանի շախմատի ակադեմիայում և Երևանի շախմատի մանկապատանեկան մարզադպրոցներում անցկացվող որակավորման մրցաշարերի անցկացման վայրերը և ժամկետները: 

Ավելին