Եվրոպայի կանանց անհատական առաջնություն

Վրաստանի Բաթումի քաղաքում շարունակվում է 2026 թվականի շախմատի Եվրոպայի կանանց անհատական առաջնությունը: 

Չորրորդ խաղափուլում կանանց ՖԻԴԵ-ի վարպետ Պոլինա Կոբակը հաղթանակ տարավ մրցաշարի ամենաբարձր վարկանիշ ունեցող հույն միջազգային վարպետ Ստավրուլա Ցոլակիդուի նկատմամբ և այժմ ունի 3 միավոր:

Հայ շախմատիստուհիներից 3 միավոր ունի նաև գրոսմայստեր Էլինա Դանիելյանը:

Միջազգային վարպետ Լիլիթ Մկրտչյանը և կանանց գրոսմայստեր Մարիամ Մկրտչյանը ունեն 2.5 միավոր: Կանանց ՖԻԴԵ-ի վարպետ Աննա Խաչատրյանը ունի 2 միավոր:

5-րդ խաղափուլը կմեկնարկի մայիսի 29-ին՝ Հայաստանի ժամանակով 15:00-ին:

Մաղթում ենք հաջողություն մեր բոլոր մասնակիցներին: