Հայաստանի հավաքականները գտնվում են առաջատարների շարքում

Հայաստանի կանանց հավաքականը տարավ չորրորդ հաղթանակը շախմատի համաշխարհային 46-րդ օլիմպիադայում:

Օլիմպիադայի 5-րդ խաղափուլում Հայաստանի կանանց հավաքականը 3:1 հաշվով առավելության է հասել Պերուի հավաքականի նկատմամբ:

Հաղթանակ են տարել կանանց գրոսմայստեր Մարիամ Մկրտչյանը և Անահիտ Մկրտչյանը։

Միջազգային վարպետ Լիլիթ Մկրտչյանի և գրոսմայստեր Էլինա Դանիելյանի խաղերն ավարտվել են ոչ-ոքի արդյունքով:

Հայաստանի տղամարդկանց հավաքականը 2:2 հաշվով ավարտեց հանդիպումը օլիմպիադայում չորրորդ վարկանիշ ունեցող Չինաստանի հավաքականի հետ։

Հայկ Մարտիրոսյանը ոչ-ոքի խաղաց աշխարհի 17-րդ չեմպիոն Դին Լիրենի հետ, Ռոբերտ Հովհաննիսյանը՝ Վեյ Իի, Շանթ Սարգսյանը՝ Յույ Յանյիի, իսկ Մանուէլ Պետրոսյանը՝ Կոնգ Սյանժուեյի հետ։

5 խաղափուլից հետո Հայաստանի տղամարդկանց հավաքականը ունի 9 թիմային միավոր, իսկ կանանց հավաքականը՝ 8 թիմային միավոր (հաղթանակ՝ 2 միավոր, ոչ-ոքի՝ 1, պարտություն՝ 0)։

6-րդ խաղափուլում Հայաստանի տղամարդկանց հավաքականը կմրցի Իրանի հավաքականի հետ, իսկ կանանց հավաքականը՝ Լատվիայի հավաքականի հետ:

Մաղթում ենք հաջողություն մեր հավաքականներին: