Թիմուր Տուրլովը ընտրվեց ՖԻԴԵ-ի 8-րդ նախագահ

Սեպտեմբերի 26-ին Ուզբեկստանի Սամարղանդ քաղաքում՝ Շախմատի 46-րդ համաշխարհային օլիմպիադայի շրջանակում, տեղի ունեցան Շախմատի միջազգային ֆեդերացիայի (ՖԻԴԵ) նախագահի ընտրությունները։

Ընտրությունների երկրորդ փուլում ՖԻԴԵ-ի նախագահ ընտրվեց Ղազախստանի շախմատի ֆեդերացիայի նախագահ Թիմուր Տուրլովը՝ ստանալով 110 ձայն։

Ընտրություններին մասնակցել են աշխարհի 196 ազգային շախմատի ֆեդերացիաների ներկայացուցիչներ։ 38-ամյա Թիմուր Տուրլովը դարձել է ՖԻԴԵ-ի պատմության մեջ երկրորդ ամենաերիտասարդ նախագահը։

Հայաստանի շախմատի ֆեդերացիան շնորհավորում է Թիմուր Տուրլովին և մաղթում հաջողություն ու արդյունավետ գործունեություն՝ ի նպաստ համաշխարհային շախմատի զարգացման։