Եվրոպայի պատանիների և աղջիկների առաջնության ավարտին մնացել է երեք խաղափուլ

Հունաստանի Կրետե կղզում շարունակվում է 2026 թվականի շախմատի Եվրոպայի 8-18 տարեկան պատանիների և աղջիկների առաջնությունը:

Հայաստանը առաջնությունում ներկայացնում են 58 շախմատիստներ։

6 խաղափուլից հետո մինչև 8 տարեկան պատանիների խմբում Ռաֆայել Զաքարյանը ունի 5.5 միավոր և գտնվում է 2-րդ հորիզոնականում։

Մինչև 18 տարեկան պատանիների խմբում միջազգային վարպետ Վահե Սուքիասյանը ունի 5 միավոր և կիսում է 2-3-րդ հորիզոնականները։

Մինչև 16 տարեկան աղջիկների խմբում կանանց ՖԻԴԵ-ի վարպետ Սոնա Կրկյաշարյանը ունի 5 միավոր և կիսում է 2-6-րդ հորիզոնականները։

Մինչև 14 տարեկան պատանիների խմբում ՖԻԴԵ-ի վարպետ Տիգրան Համբարձումյանը ունի 5 միավոր և կիսում է 3-5-րդ հորիզոնականները։

Մինչև 12 տարեկան պատանիների խմբում Հարություն Դերմենջյանը ունի 5 միավոր և կիսում է 2-5-րդ հորիզոնականները։

Մինչև 10 տարեկան պատանիների խմբում Սամվել Մովսիսյանը ունի 5 միավոր և կիսում է 3-8-րդ հորիզոնականները։

Առաջնության ավարտին մնացել է երեք խաղափուլ։

7-րդ խաղափուլը կմեկնարկի նոյեմբերի 10-ին՝ Հայաստանի ժամանակով 17։00-ին։

Խաղերին կարող եք հետևել այստեղ:

Մաղթում ենք հաջողություն մեր շախմատիստներին: