Ավարտվեց «Total Chess World Championship Tour Pilot 2026» մրցաշարի երկրորդ խաղափուլը

Հունգարիայի մայրաքաղաք Բուդապեշտում ընթացող «Total Chess World Championship Tour Pilot 2026» մրցաշարի խմբային փուլի երկրորդ խաղափուլում Հայաստանի առաջատար գրոսմայստեր Հայկ Մարտիրոսյանը 1։1 հաշվով է ավարտել հանդիպումը Նիդերլանդների առաջատար գրոսմայստեր Անիշ Գիրիի հետ։

Երկրորդ խաղափուլի առաջին պարտիայում Հայկը սև խաղաքարերով պարտություն է կրել, սակայն պատասխան պարտիայում սպիտակներով առավելության է հասել նիդերլանդացի գրոսմայստերի նկատմամբ։

Հայկ Մարտիրոսյանն ընդգրկված է Գ խմբում, որտեղ նրա մրցակիցներն են Մագնուս Կարլսենը, Յան Նեպոմնյաշչին, Անիշ Գիրին, Շախրիար Մամեդյարովը և Աբհիմանյու Միշրան։

ԱՄՆ-ն ներկայացնող հայ գրոսմայստեր Լևոն Արոնյանը 1։1 հաշվով է ավարտել հանդիպումը ԱՄՆ-ն ներկայացնող գրոսմայստեր Յորդեն վան Էնդրյու Հոնգի հետ։ 

Արոնյանի երկու պարտիաներն էլ ավարտվել են ոչ-ոքի արդյունքով։

Լևոն Արոնյանը ընդգրկված է Ա խմբում, որտեղ հանդես են գալիս նաև Նոդիրբեկ Աբդուսատորովը, Ալիռեզա Ֆիրուզջան, Յան-Կշիշտոֆ Դուդան, Յորդեն վան Ֆորեստը և Էնդրյու Հոնգը։

Նշենք, որ մրցաշարում հաղթանակի համար մասնակիցները ստանում են 3 միավոր, ոչ-ոքիի դեպքում՝ 1 միավոր, իսկ պարտության դեպքում՝ 0 միավոր։

Երրորդ խաղափուլի առաջին պարտիան կմեկնարկի նոյեմբերի 13-ին՝ Հայաստանի ժամանակով 18։00-ին։

Խաղերին կարող եք հետևել այստեղ: