News

Ավարտվեց շախմատի վետերանների աշխարհի առաջնությունը

Նոյեմբերի 3-ից 14-ը Սերբիայի Վրնյաչկա Բանյա քաղաքում անցկացվեց 2026 թվականի շախմատի վետերանների աշխարհի առաջնությունը:

50+ տարիքային խմբում չեմպիոն դարձավ Ղազախստանը ներկայացնող գրոսմայստեր Մուրտաս Կաժգալեևը, իսկ 65+ տարիքային խմբում՝ Վրաստանը ներկայացնող գրոսմայստեր Զուրաբ Ստուրուան:

50+ տարեկան կանանց խմբում չեմպիոնի կոչումը նվաճեց Շվեդիան ներկայացնող գրոսմայստեր Պիա Կրամլինգը, իսկ 65+ տարեկան կանանց խմբում՝ ՖԻԴԵ-ն ներկայացնող կանանց գրոսմայստեր Գալինա Ստրուտինսկայան։

Հայաստանից 50+ տարիքային խմբում մասնակցում էր Ազատ Թավաքալյանը, ով 11 հնարավորից վաստակեց 6 միավոր և 124 մասնակիցների պայքարում զբաղեցրեց 45-րդ տեղը։ Առաջնության ընթացքում Ազատ Թավաքալյանը 89 կետով բարելավեց իր միջազգային վարկանիշը։

65+ տարիքային խմբում Հայաստանի ներկայացուցիչ Հայկ Դոլմազյանը վաստակեց 5.5 միավոր և 124 մասնակիցների պայքարում զբաղեցրեց 91-րդ տեղը։ Հայկ Դոլմազյանը 36 կետով բարելավեց իր միջազգային վարկանիշը։

Մանրամասներին կարող եք ծանոթանալ այստեղ։