Ստեփան Ավագյանի հուշամրցաշարի 4-րդ խաղափուլ

Ջերմուկ քաղաքում ավարտվեց Ստեփան Ավագյանի հուշամրցաշարի 4-րդ խաղափուլը:

Այս խաղափուլում Արավինդ Չիտհամբարամը հաղթեց Յոնաս Բյերեին, իսկ Ռամեշբաբու Պրագնանանդհան՝ Նոդիրբեկ Յակուբբոևին:

Քսյու Քսյանգու - Բենիամին Գլեդուրա, Արամ Հակոբյան - Դմիտրի Կոլլարս, Ռոբերտ Հովհաննիսյան - Սամուել Սևյան խաղերն ավարտվեցին ոչ-ոքի արդյունքով: 

4 խաղափուլից հետո արդեն ունենք միանձնյա առաջատար՝ Արավինդ Չիտհամբարամը, ով ունի 3 միավոր:

Առաջատարից կես միավորով հետ են մնում Դմիտրի Կոլլարսը, Ռամեշբաբու Պրագնանանդհան և Արամ Հակոբյանը։

Հաջորդ խաղափուլը կմեկնարկի հունիսի 2-ին՝ Հայաստանի ժամանակով 15:00-ին: