Այսօր Տիգրան Պետրոսյանի ծննդյան օրն է

Այսօր շախմատի աշխարհի 9-րդ չեմպիոն Տիգրան Պետրոսյանի ծննդյան օրն է։

Տիգրան Պետրոսյանը ծնվել է 1929 թվականի հունիսի 17-ին:

Աշխարհի չեմպիոնի կոչումը Տիգրան Պետրոսյանը նվաճեց 1963 թվականին՝ հաղթելով Միխայիլ Բոտվիննիկին: 1966 թվականին նա պահպանեց այդ կոչումը՝ հաղթելով Բորիս Սպասկուն։

Տիգրան Պետրոսյանի մականունն էր «Երկաթե Տիգրան», որը նրան շնորհվել է իր գրեթե անհաղթահարելի պաշտպանողական խաղաոճի պատճառով, որտեղ գլխավոր շեշտը դրվում էր անվտանգության վրա:

Տիգրան Պետրոսյանը մահացել է 1984 թվականի օգոստոսի 13-ին: Այդ ժամանակվանից Երևանի շախմատի տունը կրում է շախմատի լեգենդ Տիգրան Պետրոսյանի անունը։ 

Այսօր Տիգրան Պետրոսյանի անվան շախմատի տուն-մարզադպրոցում տեղի կունենա կայծակնային շախմատի մրցաշար՝ նվիրված Տիգրան Պետրոսյանի 96-ամյակին։