ՖԻԴԵ-ն Տիգրան Ազարյանին պարգևատրել է շնորհակալագրով

ՖԻԴԵ-ի կողմից «Շախմատի հանրայնացման մրցանակ 2025» անվանակարգում շնորհակալագրերով են պարգևատրվել Հայաստանը ներկայացնող անվանի մի քանի մարզիչներ և շախմատային գործիչներ։ Նրանցից մեկը Տիգրան Ազարյանն է։

Տիգրան Ազարյանը Հայաստանի շախմատի ակադեմիայի մարզիչներից է, ով 2017 թվականից զբաղվում է մարզչական գործունեությամբ։ Նրա սաներն աչքի են ընկնում բարձր արդյունքներով՝ հատկապես Հայաստանի պատանիների և աղջիկների առաջնությունների եզրափակիչ փուլերում։ Տիգրան Ազարյանը պատրաստել է Հայաստանի բազմակի չեմպիոններ և մրցանակակիրներ տարբեր տարիքային խմբերում՝ ինչպես երկրի ներսում, այնպես էլ միջազգային հարթակում։

Շնորհակալագիրը հանձնել է Հայաստանի շախմատի ֆեդերացիայի գործադիր տնօրեն Արմեն Գևորգյանը՝ շախմատի միջազգային օրվան նվիրված միջոցառման շրջանակներում: