Հայաստանի կանանց հավաքականը առավելության է հասել Թուրքիայի հավաքականի նկատմամբ

Հայաստանի շախմատի կանանց հավաքականը Եվրոպայի թիմային առաջնության 8-րդ խաղափուլում 3:1 հաշվով առավելության է հասել Թուրքիայի հավաքականի նկատմամբ: 

Հաղթանակ են տարել Մարիամ Մկրտչյանը և Սուսաննա Գաբոյանը: Լիլիթ Մկրտչյանի և Էլինա Դանիելյանի խաղերն ավարտվել են ոչ-ոքի արդյունքով:

Այսօր Հայաստանի տղամարդկանց հավաքականը նույնպես մրցեց Թուրքիայի հավաքականի հետ, և հանդիպումն ավարտվեց 2:2 հաշվով:

Հաղթանակ է տարել Գաբրիել Սարգսյանը: Ռոբերտ Հովհաննիսյանի և Հայկ Մարտիրոսյանի խաղերն ավարտվել են ոչ-ոքի արդյունքով:

Վաղը առաջնության վերջին խաղափուլն է: Հայաստանի կանանց հավաքականը կմրցի Ուկրաինայի հավաքականի հետ, իսկ տղանարդկանց հավաքականը՝ Վրաստանը երկրորդ թիմի հետ։

Վերջին խաղափուլից առաջ Հայաստանի կանանց հավաքականը գտնվում է 4-րդ հորիզոնականում, իսկ տղամարդկանց հավաքականը՝ 13-րդ հորիզոնականում:

9-րդ խաղափուլը կմեկնարկի հոկտեմբերի 14-ին՝ Հայաստանի ժամանակով 12:00-ին: