Վահե Սուքիասյանը կատարել է միջազգային վարպետի կոչում ստանալու բոլոր պահանջները

Վահե Սուքիասյանը 2025 թվականի շախմատի աշխարհի մինչև 18 տարեկան պատանիների առաջնության շրջանակներում լրացրեց իր վերջին՝ 3-րդ միջազգային վարպետի նորման:

Նշենք, որ Վահեի վարկանիշը արդեն գերազանցում է անհրաժեշտ 2400-ի շեմը, ինչի շնորհիվ նա կստանա միջազգային վարպետի կոչումը:

Դե իսկ աշխարհի առաջնության ավարտին դեռ կա երկու խաղափուլ: Վահեն 9 հնարավորից ունի 6 միավոր և գտնվում է 8-րդ հորիզոնականում:

Շնորհավորում ենք Վահեին և մաղթում հաջողություն առաջիկա խաղերում: