Շախմատի Եվրոպայի պատանիների և աղջիկների առաջնության ավարտին մնացել է երկու խաղափուլ

Մոնտենեգրոյի Բուդվա քաղաքում ընթացող 2025 թվականի շախմատի Եվրոպայի 8-18 տարեկան պատանիների և աղջիկների առաջնության ավարտին մնացել է ընդամենը երկու խաղափուլ:

7 խաղափուլից հետո մինչև 18 տարեկան պատանիների խմբում ՖԻԴԵ-ի վարպետ Վահե Սուքիասյանը ունի 5.5 միավոր և կիսում է 2-3-րդ հորիզոնականները: Նույն տարիքային խմբում միջազգային վարպետ Ռոբերտ Փիլիպոսյանը ունի 5 միավոր և կիսում է 4-11-րդ հորիզոնականները:

Մինչև 16 տարեկան պատանիների խմբում միջազգային վարպետ Բենիկ Ագասարովը ունի 5.5 միավոր և գտնվում է 4-րդ հորիզոնականում: Նույն տարիքային խմբում ՖԻԴԵ-ի վարպետ Վաչե Հովակիմյանը ունի 5 միավոր և կիսում է 5-18-րդ հորիզոնականները:

Մինչև 14 տարեկան պատանիների խմբում ՖԻԴԵ-ի վարպետ Տիգրան Համբարձումյանը ունի 5.5 միավոր և կիսում է 4-8-րդ հորիզոնականները: Նույն տարիքային խմբում ՖԻԴԵ-ի վարպետ Մանվել Առաքելյանը ունի 5 միավոր և կիսում է 9-17-րդ հորիզոնականները:

Մինչև 10 տարեկան պատանիների խմբում Համլետ Հարությունյանը ունի 5 միավոր և կիսում է 9-20-րդ հորիզոնականները:

Մինչև 8 տարեկան պատանիների խմբում Դավիթ Դալալոյանը ունի 5.5 միավոր և կիսում է 4-6-րդ հորիզոնականները: Նույն տարիքային խմբում Մանվել Վարդանյանը ունի 5 միավոր և կիսում է 7-15-րդ հորիզոնականները:

Մինչև 16 տարեկան աղջիկների խմբում Անի Ավետիսյանը ունի 5 միավոր և կիսում է 8-13-րդ հորիզոնականները:

Հայաստանը ներկայացնող բոլոր շախմատիստների արդյունքներին կարող եք ծանոթանալ այստեղ:

Առաջնության նախավերջին խաղափուլը կմեկնարկի նոյեմբերի 6-ին՝ Հայաստանի ժամանակով 17:00-ին:

Խաղերին կարող եք հետևել այստեղ: