Ի հիշատակ Գագիկ Սարգսյանի

Ցավով ու երախտագիտությամբ հիշում ենք Հայաստանի վաստակավոր մարզիչ Գագիկ Սարգսյանին, ով իր ավելի քան 50 տարվա նվիրված գործունեությամբ մեծ ներդրում է ունեցել հայկական շախմատի զարգացման գործում՝ տարածելով սեր շախմատի նկատմամբ և կրթելով ապագա գրոսմայստերների սերունդներ։

Գագիկ Սարգսյանի մոտ իրենց շախմատային ճանապարհն են սկսել բազմաթիվ անվանի շախմատիստներ, այդ թվում՝ գրոսմայստերներ Աշոտ Անաստասյանը, Արսեն Եղիազարյանը, Տիգրան Պետրոսյանը, Դավիթ Պետրոսյանը, Ավետիք Գրիգորյանը, Տաթև Աբրահամյանը և այլոք։

Նա երեք անգամ՝ 1973, 1974 և 1976 թվականներին, մասնակցել է Հայաստանի շախմատի բարձրագույն խմբի առաջնություններին, իսկ 1973 թվականին դարձել է Հայաստանի փոխչեմպիոն։ Գագիկ Սարգսյանը նաև Հանրապետական կարգի մրցավար էր։

Գագիկ Սարգսյանը հիշվելու է որպես նվիրված մասնագետ, արժանապատիվ մանկավարժ և սիրված մարզիչ։ Նրա թողած հետքը հայկական շախմատում մնայուն է, իսկ հիշատակը՝ վառ բոլորիս սրտերում։

Խորապես ցավակցում ենք Գագիկ Սարգսյանի ընտանիքին, հարազատներին, գործընկերներին և ընկերներին:

Հավերժ հիշատակ