Հայ շախմատիստները մրցանակակիրների շարքում են

Ռուսաստանի մայրաքաղաք Մոսկվայում ավարտվեց «Aeroflot Open 2026» շախմատի միջազգային մրցաշարը:

Մրցաշարի հաղթող դարձավ ռուս գրոսմայստեր Յան Նեպոմնյաշչին, ով 9 հնարավորից վաստակեց 7.5 միավոր:

Հայաստանը ներկայացնող գրոսմայստերներից մրցանակակիրների շարքում են Հայկ Մարտիրոսյանը և Արամ Հակոբյանը, ովքեր վաստակեցին 6.5 միավոր և համապատասխանաբար զբաղեցրին 4-րդ և 13-րդ հորիզոնականները:

ՖԻԴԵ-ն ներկայացնող հայազգի գրոսմայստերներ Դավիթ Պառավյանը և Ռուդիկ Մակարյանը նույնպես վաստակեցին 6.5 միավոր և զբաղեցրին համապատասխանաբար 2-րդ և 3-րդ հորիզոնականները:

Հայաստանը ներկայացնող ՖԻԴԵ-ի վարպետ Միքայել Մանվելյանը վաստակեց 5.5 միավոր և ցույց տվեց լավագույն արդյունքը 2300-ից 2399 վարկանիշ ունեցող շախմատիստների պայքարում:

Շնորհավորում ենք մեր բոլոր մրցանակակիրներին՝ մաղթելով նոր հաջողություններ: