Մարիամ Մկրտչյանը լրացրեց իր երկրորդ միջազգային վարպետի նորման

Կանանց գրոսմայստեր Մարիամ Մկրտչյանը Ֆրանսիայում անցկացված «1st International Chess Open Les Menuires» շախմատի մրցաշարում լրացրեց իր երկրորդ միջազգային վարպետի նորման։

Մարիամը 9 հնարավորից վաստակեց 6 միավոր և կանանց պայքարում զբաղեցրեց առաջին հորիզոնականը:

Մրցաշարին մասնակցում էր նաև հայ գրոսմայստեր Էմին Օհանյանը, ով 6.5 միավորով կիսեց 3-7-րդ հորիզոնականները՝ լրացուցիչ ցուցանիշներով զբաղեցնելով 5-րդ հորիզոնականը։

Շնորհավորում ենք մեր շախմատիստներին և մաղթում նոր հաջողություններ: