Միջազգային գիտաժողով՝ «Շախմատի կրթության տեսություն և պրակտիկա»

Ինչպե՞ս կարող է շախմատը նպաստել անձի զարգացմանը, ուսուցման նոր մեթոդների կիրառմանը և կրթական տարբեր միջավայրերի ձևավորմանը։

Այս հարցերն են լինելու «Շախմատի կրթության տեսություն և պրակտիկա» միջազգային գիտաժողովի ուշադրության կենտրոնում, որը կանցկացվի հոկտեմբերի 1-2-ը Ծաղկաձորում՝ 2026 թվականի FIDE-ի կրթության տարվա շրջանակում։

Գիտաժողովը կազմակերպվում է Հայկական պետական մանկավարժական համալսարանի, «Շախմատ» գիտահետազոտական ինստիտուտի և Դպրոցական շախմատի միջազգային ֆեդերացիայի համագործակցությամբ՝ միավորելով հետազոտողների, մանկավարժների և շախմատային փորձագետների տարբեր երկրներից։

Գիտական ծրագիրն ընդգրկում է հինգ հիմնական ուղղություն․
Շախմատը և անձի զարգացումը
Շախմատի դասավանդման և ուսուցման մեթոդները
Շախմատը ներառական կրթության համատեքստում
Շախմատի ուսուցիչների պատրաստում (նախնական և վերապատրաստում)
Շախմատը և թվային գրագիտությունը

Գիտաժողովը կանցկացվի առկա և առցանց մասնակցության ձևաչափերով։ Աշխատանքային լեզուն անգլերենն է։

Կայք՝ https://chesstudy.com/conference2026
Գրանցում՝ https://chesstudy.com/conference2026#participate