Ստեփան Ավագյանի մանկապատանեկան հուշամրցաշար

Ջերմուկ քաղաքում մեկնարկեց Ստեփան Ավագյանի մանկապատանեկան հուշամրցաշարը:

Մրցաշարի բացման արարողության ընթացքում ցուցադրվեց Ստեփան Ավագյանի պայծառ հիշատակին նվիրված ֆիլմ, որը նկարահանվել է Հայաստանի շախմատի ակադեմիայի կողմից՝ ի նշան հարգանքի և շնորհակալության։ 

Այնուհետև գլխավոր մրցավարը՝ ՄՄ Գևորգ Մուրադյանը, հանդես եկավ ողջույնի խոսքով և ներկայացրեց մրցաշարի կանոնադրությունը։ 

Խաղերի վիճակահանությունն իրականացվեց Ստեփան Ավագյանի թոռնիկ՝ փոքրիկ Ստեփանի կողմից՝ որպես հուզիչ հիշեցում այն մասին, որ շախմատային ավանդույթներն ու արժեքները փոխանցվում են սերնդեսերունդ։

Մրցաշարը կանցկացվի հունիսի 28-ից հուլիսի 4-ը՝ չորս տարիքային խմբերով՝ մինչև 8, 10, 12 և 18 տարեկան:

Բոլորին մաղթում ենք հաջողություն և հետաքրքիր խաղեր: