ՖԻԴԵ-ն Տիգրան Հարությունյանին պարգևատրել է շնորհակալագրով

ՖԻԴԵ-ի կողմից «Շախմատի հանրայնացման մրցանակ 2025» անվանակարգում շնորհակալագրերով են պարգևատրվել Հայաստանը ներկայացնող անվանի մի քանի մարզիչներ և շախմատային գործիչներ։ Նրանցից մեկը գրոսմայստեր Տիգրան Հարությունյանն է։

Տիգրան Հարությունյանը Հայաստանի շախմատի ակադեմիայի մարզիչներից է, ով 2021 թվականից զբաղվում է մարզչական գործունեությամբ: Նրա սաները տարբեր միջազգային մրցաշարերում՝ այդ թվում Եվրոպայի առաջնություններում (2023-2024) նվաճել են բազմաթիվ մեդալներ և բարձր արդյունքներ են գրանցել ինչպես Հայաստանում, այնպես էլ միջազգային ասպարեզում։

Շնորհակալագիրը հանձնել է Հայաստանի շախմատի ֆեդերացիայի գործադիր տնօրեն Արմեն Գևորգյանը՝ շախմատի միջազգային օրվան նվիրված միջոցառման շրջանակներում։