Մասիսի համայնքապետի սուպերգավաթ 2025

Օգոստոսի 12-ին Մասիս քաղաքում տեղի ունեցավ «Մասիսի համայնքապետի սուպերգավաթ 2025» շախմատի մրցաշարը։

Ներկաներին ողջունեցին Մասիս համայնքի ղեկավարի առաջին տեղակալ Նորայր Հակոբյանը և Արարատի մարզի շախմատի պատասխանատու Միքայել Մարտիրոսյանը։ Մասիս համայնքի ղեկավարի խոսքը փոխանցեց Ռուբեն Հովհաննիսյանը և պաշտոնապես բացեց մրցաշարը:

Միջոցառմանը ներկա էր նաև Հայաստանի շախմատի ֆեդերացիայի գործադիր տնօրեն Արմեն Գևորգյանը։

Մրցաշարին մասնակցում էին Մասիս քաղաքի 5 ուժեղագույն շախմատիստներ և ՀՀ շախմատի ազգային հավաքականի անդամներ՝ Գաբրիել Սարգսյանը, Ռոբերտ Հովհաննիսյանը, Շանթ Սարգսյանը, Հայկ Մարտիրոսյանը և Մամիկոն Ղարիբյանը։

Միաժամանակյա խաղաշարով հանդես եկավ Հարությունյան Տիգրանը։

Մրցաշարի ավարտին լավագույն տասնյակը Մասիսի համայնքապետարանի կողմից պարգևատրվեց պատվոգրերով և դրամական մրցանակներով։

Մրցաշարի արդյունքները.
1-ին տեղ՝ Ռոբերտ Հովհաննիսյան
2-րդ տեղ՝ Գաբրիել Սարգսյան
3-րդ տեղ՝ Շանթ Սարգսյան
4-րդ տեղ՝ Հայկ Մարտիրոսյան
5-րդ տեղ՝ Մամիկոն Ղարիբյան
6-րդ տեղ՝ Արտյոմ Սուքիասյան
7-րդ տեղ՝ Ալեն Գրիգորյան
8-րդ տեղ՝ Հարություն Դերմենջյան
9-րդ տեղ՝ Կարեն Եսայան
10-րդ տեղ՝ Ժորա Խաչատրյան

Արարատի մարզի շախմատի ֆեդերացիայի անունից պարգևատրվեց նաև Մասիս համայնքի ղեկավար Դավիթ Համբարձումյանը։