ՖԻԴԵ-ի շախմատի աշխարհի գավաթ

2025 թվականի ՖԻԴԵ-ի շախմատի աշխարհի գավաթի երրորդ փուլի առաջին խաղում գրոսմայստեր Շանթ Սարգսյանը սև խաղաքարերով հաղթանակ տարավ Թուրքիան ներկայացնող գրոսմայստեր Մուստաֆա Յիլմազի նկատմամբ:

Գրոսմայստեր Ռոբերտ Հովհաննիսյանը սպիտակ խաղաքարերով ոչ-ոքի խաղաց աշխարհում 7-րդ վարկանիշ ունեցող հնդիկ գրոսմայստեր Ռամեշբաբու Պրագնանանդհայի հետ:

Գրոսմայստեր Գաբրիել Սարգսյանը սև խաղաքարերով ոչ-ոքի խաղաց Հնդկաստանը ներկայացնող գրոսմայստեր Դիպտայան Գոշի հետ:

Երրորդ փուլին մասնակցում են նաև ԱՄՆ-ն ներկայացնող հայ գրոսմայստերներ Լևոն Արոնյանը և Սամուել Սևյանը։ Լևոնը այսօր սև խաղաքարերով հաղթանակ տարավ Արաբական Միացյալ Էմիրությունները ներկայացնող գրոսմայստեր Սալեմ Սալեհի նկատմամբ, իսկ Սամուելը սև խաղաքարերով ոչ-ոքի խաղաց ՖԻԴԵ-ն ներկայացնող գրոսմայստեր Եվգենի Նայերի հետ:

Երրորդ փուլի երկրորդ խաղը կմեկնարկի նոյեմբերի 8-ին՝ Հայաստանի ժամանակով 13:30-ին: