Ավարտվեցին Հայաստանի տղամարդկանց և կանանց առաջնությունները

Տիգրան Պետրոսյանի անվան շախմատի տուն-մարզադպրոցում ավարտվեցին Հայաստանի շախմատի տղամարդկանց 86-րդ և կանանց 81-րդ առաջնությունները:

Տղամարդկանց առաջնությունում չեմպիոն դարձավ գրոսմայստեր Մանուէլ Պետրոսյանը, ով 9 հնարավորից վաստակեց 6 միավոր: 

Արթուր Դավթյանը, Զավեն Անդրիասյանը և Արամ Հակոբյանը վաստակեցին 5.5 միավոր:

Լրացուցիչ ցուցանիշներով արծաթե մեդալակիր դարձավ միջազգային վարպետ Արթուր Դավթյանը:

Լավագույն եռյակը եզրափակեց գրոսմայստեր Զավեն Անդրիասյանը:

Կանանց առաջնությունում չեմպիոն դարձավ Անահիտ Մկրտչյանը, ով վաստակեց 6.5 միավոր:

Արծաթե մեդալակիր դարձավ կանանց ՖԻԴԵ-ի վարպետ Աստղիկ Հակոբյանը՝ 6 միավորով:

Սոնա Կրկյաշարյանը, Անի Ավետիսյանը և Աննա Խաչատրյանը վաստակեցին 5.5 միավոր:

Լրացուցիչ ցուցանիշներով լավագույն եռյակը եզրափակեց Սոնա Կրկյաշարյանը:

Մանուէլ Պետրոսյանը և Անահիտ Մկրտչյանը ստացան Հայաստանի հավաքականում հանդես գալու իրավունք։

Շնորհավորում ենք բոլորին՝ մաղթելով նոր ձեռքբերումներ:

Առաջնությունների փակման արարողությունը տեղի կունենա վաղը՝ ժամը 17:00-ին: