Ավարտվեց Տիգրան Նալբանդյանի հիշատակին նվիրված մրցաշարը

Հունվարի 24-ին Հայաստանի շախմատի ակադեմիայում տեղի ունեցավ Տիգրան Նալբանդյանի հիշատակին նվիրված առաջին շրջանային մրցաշարի փակման արարողությունը։ 

Միջոցառմանը ներկա էին Տիգրան Նալբանդյանի ընտանիքի անդամներն ու ընկերները:

Միջոցառման ընթացքում Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը Տիգրան Նալբանդյանին հետմահու պարգևատրեց Տիգրան Պետրոսյանի ոսկե մեդալով՝ արժևորելով նրա ներդրումն ու հիշատակը հայկական շախմատում։

Մրցաշարի 9 խաղափուլերի արդյունքներով լավագույն եռյակը ունեցավ հետևյալ տեսքը.
1-ին տեղ՝ ՄՎ Ալեքս Սահակյան՝ 6.5 միավոր
2-րդ տեղ՝ ՖՎ Միքայել Մանվելյան՝ 6 միավոր
3-րդ տեղ՝ ՖՎ Արշիա Մոհամադիան՝ 6 միավոր

Մասնակիցները ստացել են նաև հատուկ մրցանակներ ChessMood և Chessify կազմակերպությունների կողմից։

Շնորհակալություն ենք հայտնում բոլոր մասնակիցներին, կազմակերպիչներին և աջակիցներին՝ մրցաշարի կայացմանն ու Տիգրան Նալբանդյանի հիշատակի արժանի պահպանման համար։